o sina jo e sike!
o jan utala lon poka sinpin sinasina en jan pona sina o musi o utala! sike li tawa li pakala e leko!
musi li jo e ken ni:
- supa leko li ante
- sina musi poka jan lon poka sinpin sina
- sina musi poka ilo nanpa; ilo nanpa li jo e wawa 5
- sitelen li leko sama ilo musi Super Nintendo / Super Famicom
- kalama musi li len e kute sina
- musi lon tenpo mute!
- sitelen kepeken toki mute
musi Dozo-Dozo (anu “o sina jo e sike!”) li musi ilo li utala pi jan tu poka. jan li luka e sike kepeken palisa. sike li pakala e leko. palisa li moku e wawa; palisa li wawa la, sike li kama wawa sama.
ilo sona sina li pilin e luka mute la, jan tu li ken luka e ilo ni, li ken musi lon poka. taso, sina jo ala e jan utala la, sina ken utala e ilo sona. ilo sona li jo e wawa 5.
nimi Dozo-Dozo li tan toki Nipon. nimi “dōzo” li jo e kon “o sina tawa; sina pini tawa la, mi tawa”, anu “o sina jo e ijo ni; mi pana e ona tawa sina”.
nimi ijo lon musi ni
palisa — jan musi wan li jo e palisa wan. palisa li luka e
sike la, wawa palisa li kama suli.
sike — sike wan li lon lon tenpo open. sina tawa e palisa la, sike o insa ala poka
sina.
poka — sike li insa poka sina la, nanpa pi jan utala li kama suli.
kiwen tawa — sike li lon kiwen tawa la, sike li tawa sama sitelen lon kiwen.
suno lili
wawa — palisa li moku e suno lili la, wawa palisa li kama suli.
leko pi ken pakala — sike li luka e leko la, leko li weka li pana e suno lili
tu.
leko pi jo sike — sike li luka e leko la, leko li weka li pana e sike!
sike wawa — palisa li jo e wawa mute, li luka e sike la, sike li kama wawa.
sike wawa li tawa lon tenpo lili, li pakala e leko mute!
sinpin — sike li ken ala pakala e sinpin. sike wawa li ken tawa lon insa sinpin.
musi ni li toki e toki/sitelen ni:
- 日本語 [toki Nipon]
- にほんご（かなもじ） [toki Nipon (kepeken ala sitelen Kansi)]
- English (UK) [toki Inli tan ma Juke]
- English (US) [toki Inli tan ma Mewika]
- 𐑚𐑮𐑦𐑑𐑦𐑖 𐑦𐑙𐑜𐑤𐑦𐑖 [toki Inli tan ma Juke (kepeken sitelen Sawijan)]
- 𐑩𐑥𐑧𐑮𐑦𐑒𐑩𐑯 𐑦𐑙𐑜𐑤𐑦𐑖 [toki Inli tan ma Mewika (kepeken sitelen Sawijan)]
- español latino [toki Epanja tan ma Amelika]
- Esperanto [toki Epelanto]
- toki pona (kepeken sitelen Lasina)
- Türkçe [toki Tuki]
sina wile ante toki la, o luka e ni. sina pona!
sina ken musi kepeken: ilo pi palisa luka (jan musi 1 taso), supa pi pilin luka (jan musi 1 anu 2)